Кристоф Баумгартнер Словакияга (2:0) гол уриб, жаҳон рекордини ўрнатди.

Австрия миллий жамоаси яримҳимоячиси ўртоқлик баҳсининг 6-сониясидаёқ ҳисобни очди. У жарима майдончаси ташқарисидан рақиб дарвозасига аниқ зарба йўллади.

Бу — миллий жамоалар тарихидаги энг тезкор гол. Аввалги рекорд 2013 йилда Германия – Эквадор ўйинида 7-сонияда гол урган Лукас Подолскига тегишли эди.