Италия чемпионатининг 23-туридан ўрин олган сўнгги баҳсда «Рома» ўз майдонида «Каляри»га жавобсиз 4та гол урди. Дибала дублга эришган бўлса, Пеллегрини ва Ҳайзен ҳам ўз ҳисобларига гол ёздириб қўйишди. 

Шу тариқа Рим клуби Моуринио кетгач Де Росси билан кетма-кет 3та ғалабани қўлга киритди ва 38 очко билан 5-ўринга кўтарилди. Шомуродов ўйнайдиган (ҳозир жароҳатда) «Каляри» эса 18 очко билан 18-поғонада қолди.

А Серия. 23-тур

Рома — Каляри 4:0

5 феврал, «Олимпико»

Голлар: Пеллегрини (2), Дибала (23, 51 пеналти), Ҳайзен (59).

Рома – Патрисиу, Карсдорп, Лоренте (Ҳайзен, 55), Манчини, Анхелино (Кристенсен, 58), Паредес, Кристанте, Пеллегрини (Бове, 55), Эль-Шаарави (Залевски, 55), Дибала (Балданци, 74), Лукаку.

Каляри – Скуффет, Дзаппа, Мина (Ветеска, 67), Доссена (Виола, 62), Оберт, Ацци (Лувумбу, 62), Нандес (Ди Пардо, 75), Макумбу, Прати (Гаэтано, 62), Лападула, Петаня.

Огоҳлантиришлар: Нандес (65), Паредес (66).