Осиё кубоги-2023 2-тури доирасидаги иккинчи ўйинда мезбон Қатар плей-офф масаласини муддатдан аввал ҳал қилди.

57 мингдан ортиқ томошабин қаршисида ўтган Қатар – Тожикистон ўйинида мезбонлар қўшниларимиз устидан минимал ҳисобда ғалаба қозонишди. 17-дақиқада Рустам Соиров рақиб ўйинчиси ва ҳакам билан тўқнашгач, япониялик рефери ўйинни тўхтатмади ва ҳужум Афифнинг ҳисобни очиши билан якунланди – 1:0.

Ҳисобда ортда қолишига қарамай ўйинни назорат қилишга уринган Тожикистон 81-дақиқада майдонда бир киши кам бўлиб қолгач, мағлубиятдан қутулиб қололмади.

Шу тариқа, Қатар 6 очко билан гуруҳда 1-ўринни нақд қилиб, муддатдан олдин 1/8 финалга йўлланма олди. Тожикистон эса 1 очко билан 3-ўринга тушди. Қатар сўнгги турда Хитойга қарши ўйнаса, Тожикистон Ливан билан ўйин ўтказади.

А гуруҳи. 2-тур

Тожикистон – Қатар – 0:1

Гол: 0:1 – 17 Афиф.

Тожикистон – Ятимов, Сафаров, Жўрабоев, Ҳанонов, Назаров (Давлатмир, 82), Панжшанбе, Умарбоев (Mabatshoev, 82), Шукуров, Алишер Жалилов, Камолов, Соиров (Самиев, 46).

Қатар – Баршам, Ал-Рави, Лукас Мендес, Салмон, Абдулваҳоб, Габер, Фатахи (Хухи, 65), Тарик (Ал-Ҳайдос, 59), Муҳаммад (Ал-Жанхи, 46), Афиф, Али.

Четлатиш: Камолов (81).