Англия Премьер-лигасида 19-тур ўйинларига старт берилди. «Нюкасл» ўз майдонида «Ноттингҳем Форест»ни қабул қилди.

Учрашув мезбонларнинг кутилмаган мағлубияти билан тугади. Нуну Эшпириту Санту шогирдлари ўйинда биринчи бўлиб гол ўтказиб юборган бўлса-да, Крис Вуднинг 15 дақиқа ичидаги ҳет-триги меҳмонларга ғалаба келтирди – 3:1. Қайд этиш жоиз, Вуд «Нюкасл»нинг собиқ футболчиси саналади.

Шу тариқа, «Нюкасл» кетма-кет мағлубиятдан кейин 29 очко билан 7-ўринда бормоқда. «Форест» эса 17 очко эвазига 16-ўринга кўтарилди.

АПЛ. 19-тур
Нюкасл – Ноттингҳем Форест 1:3
Голлар: 1:0 – 23, пеналти Исак, 1:1 – 45 Вуд, 1:2 – 53 Вуд, 1:3 – 60 Вуд.
Нюкасл – Дубравка, Триппьер, Шер, Ботман (Холл, 79), Берн (Ливраменто, 55), Бруно Гимараэс, Лонгстафф (Жоэлинтон, 71), Майли, Алмирон (Уилсон, 55), Гордон, Исак.
Ноттингҳем Форест – Тернер, Монтьель (Уильямс, 70), Ниакате, Мурилло, Айна, Сангаре (Йейтс, 70), Гиббс-Уайт, Данило (Куяте, 90), Хадсон-Одои (Домингес, 79), Эланга (Уоррелл, 90), Вуд.
Огоҳлантиришлар: Сангаре (26), Гордон (27), Монтьель (27), Уильямс (84), Бруно Гимараэс (85), Шер (88).