Германиянинг «Унион» клуби ҳимоячиси Леонардо Бонуччи фаолиятини яна А Серияда давом эттириши кутилмоқда.

Get Italian Football News хабарига кўра, Бонуччи «Рома» клуби билан музокара ўтказган ва Рим жамоаси сафига қўшилишга яқин.

Эслатиб ўтамиз, италиялик ҳимоячи ўтган ёзда «Ювентус»дан эркин агент сифатида Берлин жамоасига ўтганди.

Маълумот учун, Бонуччи жорий мавсум немис клуби сафида 9 ўйинда битта голга муаллифлик қилган.