Италия Кубоги 1/8 финалида амалдаги чемпион «Интер» ўз майдонида «Болоня»ни қабул қилиб, қўшиб берилган бўлимларда камбэк қурбони бўлди. Аугустонинг 92-дақиқадаги голига меҳмонлардан Бекема 112-дақиқада, Ндойе 116-дақиқада жавоб беришди. 

Беллашувнинг асосий вақтида мезбонлар сардори Лаутаро Мартинес пеналтидан фойдалана олмади. 

Шу тариқа кубокнинг сўнгги икки йилдаги ғолиби турнир билан хайрлашди. 

Тиаго Мотта жамоаси 1/4 финалда ўтган йилги финалчи «Фиорентина» билан тўқнаш келади.

Италия Кубоги. 1/8 финал
Интер — Болоня 1:2
20 декабр, «Жузеппе Меацца»
Голлар: Аугусто (92) — Бекема (112), Ндойе (116). 
Аниқ амалга оширилмаган пеналти: Мартинес (65).
Интер – Аудеро, Дармиан, Ачерби, Бастони (Димарко, 75), Биссек (Павар, 90), Карлос Аугусто, Классен (Барелла, 74), Фраттези, Аслани (Сенси, 83), Арнаутович (Тюрам, 74), Мартинес (Мхитарян, 99).
Болоня – Раваля, Корацца (Де Силвестри, 76), Лукуми (Калафиори, 99), Бекема, Ликояннис, Моро (Ал Аззузи, 69), Эбишер, Урбански, Фаббиан, Салемакерс (Ндойе, 85), ван Ҳойдонк (Зиркзее, 85).
Огоҳлантиришлар: Ликояннис (41), ван Ҳойдонк (58), Фаббиан (88), Биссек (90), Дармиан (100), Павар (103), Барелла (109).