ЦСКА клуби матбуот хизмати ноябр-декабр ойининг энг яхши ўйинчисини аниқлаш учун сўровнома ўтказмоқда.

Москва клуби ўтказаётган сўровномада ойнинг энг яхши ўйинчиси бўлиш учун номзодлар сафига Аббосбек Файзуллаев ҳам киритилган. Ўзбекистонлик ўйинчидан ташқари, Виллиан Роша, Иван Обляков, Келлвен, Федор Чалов ва Антон Заболотний ҳам даъвогарлар қаторидан жой олган.

Қайд этиш жоиз, ЦСКА телеграм каналидаги сўровномада 14 декабр кунги ҳолатга Файзуллаев жами овозларнинг 80 фоизига эга чиқиб, пешқадамлик қилмоқда. Номинация ғолиби 17 декабр куни эълон қилинади.

Маълумот учун, Файзуллаев бунгача сўнгги икки ой – сентябр ва октябрда ой лауреати деб топилганди.