«Ювентус» яримҳимоячиси Пол Погба узоқ муддатга футболдан четлатилиши мумкин.

Sky Sport хабарига кўра, Италия антидопинг прокуратураси Погбани 4 йилга футболдан четлатиш борасида Италия футбол федерациясига талабнома жўнатган.

Эслатиб ўтамиз, 20 август куни франциялик жаҳон чемпионининг тестостеронга топширган допинг таҳлили мусбат натижа берган. Такрорий тестда ҳам натижа бир хил чиққач, 30 ёшли футболчи футболдан вақтинчалик четлатилган эди.

Маълумот учун, Погбанинг «Ювентус» билан амалдаги келишуви 2026 йилга қадар имзоланган.