Англия миллий жамоаси бош мураббийи Гарет Саутгейт Евро-2024 қуръа ташлаш маросимидан кейин гуруҳ ҳақида фикрини билдирди.

Англияга гуруҳда Словения, Сербия ва Дания рақиблик қиладиган бўлди.

«Қуръа натижаларидан кейин хотиржамликка берилиш тўғри эмас. Сербиянинг таркибига қаранг, у ерда Александар Митрович бор.

Миллий жамоа мураббийлигидаги дастлабки ўйинларимдан бирини Словенияга қарши ўтказгандим ва унда Жо Ҳарт бизни қандай қутқариб қолганини ҳеч қачон унутмайман. Ўша сэйв бўлмаганида эҳтимол ҳозир миллий жамоада ишламаётган бўлардим. Шундай экан, бу баҳслар ёддан чиқмайди», - дейди Саутгейт.

Маълумот учун, Европа чемпионати 2024 йилнинг ёзида Германия майдонларида бўлиб ўтади.