Италиянинг амалдаги чемпиони клуб бош мураббийи Руди Гарсияни расман истеъфога чиқарди.

«Наполи» сўнгги турда ўз майдонида «Эмполи»га мағлубиятга учрагач, клуб раҳбарияти Гарсия билан келишувни бекор қилишга қарор қилган. У ўтган мавсум жамоани чемпион қилган Лучано Спалетти ўрнига июн ойидан буён жамоада ишлаб келаётганди.

Франциялик мураббий ўрнига Валтер Мадзарри иш бошлади. Италиялик 62 ёшли мутахассис 2009-2013 йиллар давомида Неапол клубини бошқарган эди. Мадзарри 2022 йилда «Каляри»дан истеъфога чиқарилгач, ҳозиргача ишсиз эди.

Маълумот учун, «Наполи» А Серияда 12 ўйинда 6та ғалабага эришиб, 4-ўринда бормоқда.