Ўзбекистон кубоги финали доирасидаги «Насаф» - ОКМК (1:0) ўйинидан кейин дастлаб Миржалол Қосимов ўйин ҳақидаги фикрини билдирди.

«Қисқа гапираман. «Насаф»ни кубок билан табриклайман. Бугун кимдир ютиши керак эди. Изоҳ ўзингиздан…

Чемпионлар лигасидан кейин руҳан қайтиш осон бўлмаяпти. Шунга қарамай, йигитлар яхши ўйнашди. Кескин вазиятлар камлигига келсак, футбол баскетбол эмаску. Бу табиий ҳолат», - дея Миржалол Қосимовнинг сўзларини келтирган ПФЛ матбуот хизмати.