«Челси» бош мураббийи Маурисио Почеттино АПЛ 12-туридан ўрин олган «Манчестер Сити» билан ўйин олдидан ўз фикрларини билдирди. 

«Пеп Гвардиола — дунёнинг энг яхши мураббийларидан бири. Унга ва у мураббийлик қилаётган жамоага қарши ўйнаш ҳар доим қийин. Бу — фантастик синов. Лекин ўйлайманки, «Челси» — «Сити» ўйинида у билан тўқнаш келиш жуда ёқимли бўлади.

Албатта, осон бўлмайди. Биз курашишимиз керак. Қўлимиздан келганини қилишга уринамиз. Биз истаган нарса — 3 очкони қўлга киритиш, бу биз учун муҳим.

Менимча, жамоам ҳеч қачон ўзини аутсайдердек ҳис қилмайди. Ҳар доим «Челси» эканлигимизни ҳис қиламиз. Бу ерда ўзингни бошқача ҳис қилишнинг иложи йўқ, бу — тарих. Ўз шахсиятимиз, характеримиз билан бош қаҳрамонга айланишга ҳаракат қилишимиз керак», — дея Почеттинонинг сўзларини келтиради клуб расмий сайти.

Беллашув эртага, 12 ноябр куни бўлиб ўтади ва Тошкент вақти билан 21:30да бошланади.