Маркус Рэшфорд дербидаги мағлубиятдан сўнг туғилган кунини тунги клубда нишонлади.

Якшанба куни «Манчестер Юнайтед» АПЛнинг 10-турида «Олд Траффорд»да «Манчестер Сити»га имкониятни бой берди (0:3).

Тhe Telegraph нашрининг ёзишича, ўйиндан сўнг кечки пайт Рэшфорд Манчестернинг машҳур Chinawhite тунги клубига борди, у ерда Маркуснинг дўстлари унинг туғилган кунини уюштиришди. «МЮ» форварди 31 октябр куни 26 ёшга тўлди.

Таъкидланишича, Рэшфорд душанба куни «Манчестер Юнайтед»нинг эрталабки машғулотига кечикмасдан етиб келган.