Осиё футбол конфедерацияси қитъадан ташқарида тўп сураётган 2023 йилнинг осиёлик энг яхши ўйинчиси соврини учун номзодлар учлигини маълум қилди.

Унга кўра, Эрон миллий жамоаси ва «Порту» клуби форварди Маҳди Торемий, «Брайтон» ва Япония миллий жамоаси яримҳимоячиси Каору Митома ва «Бавария» ҳамда Жанубий Корея миллий жамоаси ҳимоячиси Ким Мин Чже 2023 йилда Осиёдан ташқарида тўп сураётган энг яхши ўйинчи номига даъвогарлик қилмоқда.

Аввалги йилларда соврин учун номзодлар сафига киритилган Сон Ҳён Мин бу сафар учликдан жой олмаган.