Шахмат бўйича Ўзбекистон эркаклар миллий жамоаси Осиё Ўйинларида делегациямизга навбатдаги медални тақдим қилди.

Шахматчи йигитларимиз жамоавий дастурда бронза медалларига эгалик қилишди. Нодирбек Абдусатторов, Жавоҳир Синдаров, Нодирбек Ёқуббоев, Жаҳонгир Воҳидов ва Шамсиддин Воҳидовдан иборат Ўзбекистон миллий жамоаси сўнгги турда Таиландни 4:0 ҳисобида мағлуб этиб, Осиё Ўйинлари бронза медалига эга чиқишди.