«Ал-Иттифоқ» клуби ҳужумчиси Мусса Дембеле Саудия Арабистонига футболчилар катта маош учун келаётганини очиқ-ойдин айтди.

– Ҳали 27 ёшдасиз, бу ерга келишингиз кўпчиликнинг ажабланишига сабаб бўлишини тушунармидингиз?

- Улар ўз фикрларини билдиришга ҳақли. Майли, нимани хоҳлашса, ўшани гапиришсин. Саудия Арабистони клубларига ўтганларни танқид қилаётганларнинг ўзи бу ерга келишни орзу қилади.

Исталган соҳанинг профессионаллари кўпроқ пул топишга интилишади. Бу профессионал учун янада ўсишга хизмат қилади.

Сиз журналистлар ҳам кўпроқ пул топиш учун айтайлик, Canal+ телеканалидан beIN Sports’га ўтишни истайсиз. Футболда ҳам шунақа. Мен қанча кўпроқ даромад қилсам, одамларга шунча кўпроқ бераман. Ота-онам Малида яшашади. Мен ўша қишлоқни янада обод қилиш учун кўп режаларимни амалга оширмоқчиман. Кўпроқ пул топиб, одамларнинг ҳаётини яхшилашим мумкин», - дейди Дембеле.

Маълумот учун, Мусса ёзда Франциянинг «Лион» клубидан Саудия Арабистони клубига ўтганди.