«Челси» бош мураббийи Маурисио Почеттино АПЛ 3-туридан ўрин олган «Лутон»га (3:0) қарши ўйиндан сўнг ўз фикрлари билан ўртоқлашди. 

«Футболчилар ва мухлислар учун хурсандман. Бу — ҳақли ғалаба. Ажойиб ўйнадик. Мамнунман, чунки биринчи ғалаба ҳар доим жуда муҳим, бу жамоага ва қилаётган ишимизга ишонч бағишлайди.

Раҳим Стерлинг эркин ҳаракат қилади ва биз унинг нималарга қодирлигини биламиз. У турли зоналарда ўйнай олади ва бугун югуриш, вазиятларни голга айлантиришда маҳоратини намойиш этди. У учун хурсандмиз. У гол уришда давом этиши ва жамоага ғалаба учун ассистлар тақдим этиши керак.

Жексон учун гол уриш жуда муҳим эди, у — бошқа лигадан келган ёш футболчи. Премьер-лига ҳар доим қийин. Биз ундан югуришини, тўп бўлмаган паллада прессинг қилишни сўрадик. У тўп билан моҳирона ишлайди ва жамоавий ўйинни боғлашни билади. Вақт ўтиши билан у АПЛнинг энг яхши ҳужумчиларидан бирига айланиши мумкин», — деди лондонликлар устози Sky Sports эфирида.