«Сельта» бош мураббийи Рафаэль Бенитес Ла Лига 3-туридан ўрин олган «Реал» (0:1) билан ўйиндан кейин ўз фикрларини билдирди. 

«Албатта, бизда 3 очко йўқотилгандек ҳис бор. Пенальтида эса Иван Вильяр тўп учун ўйнаганини кўрдик. Нима учун Ларсеннинг голи бекор қилинганини эса тушунмаяпмиз.

Вазиятлар яратган бўлсак-да, 3 очко йўқотганимиз учун тушкун аҳволдамиз. Жамоа яхши ўйин кўрсатди ва футболчилар худди шу руҳда давом этишларини истардим.

Голингиз бекор қилинганда, дарвозангизга пенальти белгиланганда ва битта хатога йўл қўйганингизда «Реал»га ютқазишингиз табиий», — дея виголиклар устозининг сўзларини келтиради Marca. 

Беллашувни Исидро Диас де Мера бошчилигидаги ҳакамлар бригадаси бошқарди.