Лука Пеллегрини камида 2025 йил ёзигача «Лацио»да ўйнайди. 

«Ювентус» 24 ёшли ҳимоячисини икки мавсумга ижарага берди. Агар маълум шартлар бажарилса, Рим клуби италиялик футболчини 4 млн еврога сотиб олади.

Пеллегрини ўтган мавсумнинг иккинчи қисмини ҳам «Лацио»да ўтказиб, А Серияда 7та баҳсда майдонга тушган. 

Эслатиб ўтамиз, Сарри жамоаси бунгача туринликлар яримҳимоячиси Николо Ровеллани ҳам икки мавсумга ижарага олганди.