Мората «Рома»га ўтишга розилик берди

Corriere dello Sport нашрига кўра, испаниялик форвард Альваро Мората фаолиятини римликлар сафида давом эттиришга розилик берди.

«Рома» ҳужумчини «матрасчилар»дан сотиб олиш шарти билан ижарага олишни режалаштирмоқда. Қайд этилишича, 30 ёшли футболчига римликлар томонидан 4 йиллик шартнома, 4,5 миллион евро йиллик маош ва бонуслар таклиф этилган.

Мората ўтган мавсум «Атлетико» сафида жами 45 ўйинда 15та голга муаллифлик қилган.