«Милан» ва «Интер» Торемийга қизиқмоқда. «Порту» эронлик форвард учун 30 млн евро сўрамоқда 

«Порту» ҳужумчиси Маҳди Торемий фаолиятини Италия А Сериясида давом эттириши мумкин.

Инсайдер Жанлука Ди Марционинг ёзишича, эронлик ҳужумчига «Милан» ва «Интер» қизиқиш билдирмоқда. Португал клуби жамоа тўпурари учун 30 млн евро сўраётган бўлса-да, 25 млн евро ва қўшимча бонус эвазига Торемий билан хайрлашиши мумкин. Маҳдининг агенти Жорже Мендеш саналади.

Торемий ўтган мавсум жами 50 ўйинда 31та гол ва 10та ассистга муаллифлик қилган.