Евро-2023 (U19). Италия финалда Португалияни мағлуб этди

Мальтада ёшлар ўртасидаги (U19) Европа чемпионати якунига етди.

Финалда Италия Португалия ёшлар жамоасини мағлуб этди. «Фиорентина» ҳимоячиси Майкл Кайоде томонидан киритилган гол Италия ёшлар жамоасига (U19) 20 йиллик танаффусдан кейин турнир бош совринини келтирди. Ёш «мовий гвардиячилар» сўнгги ва илк марта 2003 йил турнир ғолибига айланишганди. 

Эътиборлиси, Италия ва Португалия гуруҳ босқичида ҳам учрашган ва унда португаллар 5:1 ҳисобида устун келганди.

Маълумот учун, 20 ёшлилар ўртасидаги ЖЧ-2023 баҳсларида ҳам Италия финалга чиққан ва Уругвайга минимал ҳисобда мағлуб бўлганди.

Евро-2023 (U19). Финал
Португалия U-19 – Италия U-19 0:1
Гол: 0:1 – 19 Кайоде.