«Вест Ҳэм» Ҳарри Магуайрга таклиф тайёрламоқда

«Вест Ҳэм» Деклан Райсни 105 миллион фунтга «Арсенал»га трансфер қилгач, энг аввало ҳимоя чизиғини кучайтиришни режалаштирган.

The Telegraph хабарига кўра, жамоа бош мураббийи Давид Мойес «Манчестер Юнайтед» сардори Ҳарри Магуайрни ўз жамоасида кўрмоқчи. Клуб раҳбарияти Англия миллий жамоаси ҳимоячиси учун таклиф тайёрламоқда. Лондонликлар трансферни амалга ошира олмаган тақдирда 30 ёшли ҳимоячини ижарага олиш масаласини кўриб чиқмоқчи. 

Аввалроқ, «МЮ» Магуайр билан хайрлашишга тайёрлиги ҳақида хабар берилганди.