«Марсель» Ренан Лоди трансферини эълон қилди

«Атлетико» ҳимоячиси Ренан Лоди фаолиятини Францияда давом эттиради.

«Марсель» клуби 25 ёшли бразилиялик ҳимоячи трансферини эълон қилди. Французлар Лоди учун Мадрид клубига 13 миллион евро тўлайди.

Лоди 2019 йилдан буён «Атлетико» шарафини ҳимоя қилиб келаётганди. У жамоа сафида жами 118 ўйинда 6та гол ва 10та ассист қайд этган. Ренан ўтган мавсумни ижара асосида «Ноттингем Форест» клубида ўтказганди.