«Интер» Лукаку трансферидан воз кечди. Ромелу учун «Ювентус» асосий даъвогарга айланган

Ҳуқуқий жиҳатдан «Челси»га тегишли бўлган Ромелу Лукаку А Сериядаги фаолиятини бошқа клубда давом эттириши мумкин.

Ўтган мавсум «Интер» сафида тўп сурган бельгиялик форвард янги мавсумда ҳам миланликлар сафида қолишни истаган эди. Аммо ҳужумчи учун «Ювентус» ва «Милан» ҳам курашга қўшилгач, Ромелу «Интер» билан музокараларда талабини оширган. Натижада, «Интер» музокараларни тўхтатди ва Лукаку учун курашдан чиққанини футболчи ва Лондон клубига маълум қилган.

Ҳозирда Ромело учун Турин клуби асосий даъвогар саналмоқда. «Юве» бельгиялик форвард учун «Челси»га 37,5 млн евро ва 2,5 млн евро бонус таклиф қилган эди.