Артуро Видаль «Атлетико Паранаэнсе» аъзосига айланди

Чилилик 36 ёшли яримҳимоячи клубини ўзгартирди.

Бир йил аввал – 2022 йилнинг 15 июль куни «Интер»дан Бразилиянинг «Фламенго» клубига ўтган Видаль бир йиллик фаолиятидан кейин «Атлетико Паранаэнсе»га кўчиб ўтди. Бразилия клуби чилилик билан 2023 йил охиригача шартнома имзолади. Артуронинг янги клуби Бразилия А Сериясида 11-ўринни эгаллаб турибди.

Видаль бунгача «Байер», «Бавария», «Ювентус» ва «Барселона» клубларида ҳам фаолият юритган.