«Ланс»нинг энг яхши голеадори «Лейпциг»га ўтди

Франция вице-чемпиони «Ланс» клуби форварди Лои Опенда фаолиятини «Лейпциг»да давом эттиради.

Немис клуби 23 ёшли бельгиялик ҳужумчи билан 2028 йилгача шартнома имзоланганини эълон қилди. «Лейпциг» Опенда учун француз клубига 45 миллион евро тўлаши ҳақида хабар қилинганди. 

Маълумот учун, «Ланс» форварди якунланган мавсум Франция чемпионатида 38 ўйинда 21та голга муаллифлик қилган. У жамоани тарк этган Кристоф Нкунку ўрнини эгаллаши кутилмоқда.