«Ювентус» бош директори: Дибала борасида таклифлар бўлгани йўқ

Италия 09 Январ 2017 954

Туриннинг «Ювентус» футбол клуби бош директори Жузеппе Маротта ҳимоячи Патрис Эвра қишки трансфер ойнаси вақтида жамоани тарк этиши мумкинлигини тасдиқлади. Шунингдек, у ҳужумчи Пауло Дибаланинг «Реал» ёки «Барселона»га ўтиши ҳақидаги миш-мишларга ўз фикрини билдириб ўтди.

«Эвра ҳали-ҳамон биз билан. У ҳозирда қаерда фаолиятини давом эттириши борасида бош қотирмоқда. Кўрамиз бу вазият қандай якун топаркин. Унинг ўрнига ўйинчи қидирмаймиз.

Дибалага келадиган бўлсак - «Реал» ва «Барселона»дан бу борада клубга қўнғироқлар бўлгани йўқ. Шуни таъкидлаб ўтиш лозимки, бизда у билан бир неча йилга мўлжалланган шартнома бор. «Ювентус»да у билан ажойиб муносабатлар бор», - дея Мароттанинг сўзларини келтиради Mediaset Premium.

 

Комментариялар йўқ

Ушбу хабарга ўз фикрингизни билдиринг. Фикр билдириш учун сайт орқали рўйхатдан ўтишингиз керак!

Кўпроқ янгиликлар: