«Реал» «Барселона» рекордини такрорлаш арафасида

Испания 05 Январ 2017 3630

«Реал» Испания Кубогининг 1/8 финали доирасида кечган учрашувда «Севилья»ни 3:0 ҳисобида мағлубиятга учратди.

Мадридликлар клуби бу ғалабадан кейин барча турнирлар доирасидаги мағлубиятсиз сериясини 38 учрашувга етказди (29 ғалаба ва 9 дуранг). Энди Зидан шогирдлари «Барселона»нинг бу борада Испания футболи тарихида ўрнатган натижасини такрорлашга янада яқин. Каталонияликлар жамоаси 2015/16 йилги мавсумда қаторасига 39 учрашувда ютқазмаганди.

«Реал» охирги марта 2016 йилнинг 6 апрелида мағлубиятли ўйин ўтказганди. Ўшанда жамоа ЕЧЛнинг чорак финали доирасида «Вольфсбург»га қарши кечган сафар учрашувида 0:2 ҳисобида мағлуб бўлганди.

7 январь куни мадридликлар жамоаси Испания чемпионати доирасида Мадриднинг «Гранада» жамоасини қабул қилади ва бу ўйинда ютқазмаслик орқали Энрике жамоаси рекордини такрорлаши мумкин бўлади.

Комментариялар йўқ

Ушбу хабарга ўз фикрингизни билдиринг. Фикр билдириш учун сайт орқали рўйхатдан ўтишингиз керак!

Кўпроқ янгиликлар: