Аргентина олимпия жамоасининг Париж-2024 Олимпиадаси учун қайдномаси маълум бўлди.

Аргентина олимпия жамоаси бош мураббийи Хавьер Маскерано 18 футболчидан иборат рўйхатга 23 ёшдан катта 3 нафар ўйинчи лимитига – Хулиан Алварес, Херонимо Рулли ва Николас Отамендини таклиф этди. Лионел Месси Олимпиадада иштирок этмайдиган бўлди. Бу унинг Копа Америкадаги иштироки билан боғлиқ.

Маълумот учун, Олимпиада гуруҳ босқичида Аргентина Марокаш (24 июл), Ироқ (27 июл) ва Украина (30 июл) олимпия жамоаларига қарши майдонга тушади.

Аввалроқ, Маскерано Лионел Мессини Париж-2024га олиб бормоқчи экани ҳақида гапирганди.