«Милан» собиқ бош мураббийи Стефано Пиоли фаолиятини Саудия Арабистонида давом эттиради.

«Ал-Иттиҳод» клуби жамоа бош мураббийи Марсело Галлярдо истеъфога чиқарилганини эълон қилди. Жидда клуби раҳбарияти клубнинг Саудия чемпионатини 5-ўринда якунлаганини қониқарсиз натижа деб топди ва аргентиналик мураббийни истеъфога чиқарди.

Инсайдер Фабрицио Романонинг ёзишича, Галлярдо ўрнини Стефан Пиоли эгаллайди. Италиялик мутахассис «Ал-Иттиҳод» билан 2027 йилга қадар мўлжалланган 3 йиллик шартнома бўйича келишувга эришиб бўлган.

Эслатиб ўтамиз, Карим Бензема ва Нголо Канте тўп сураётган жамоа 2023 йилда Саудия Арабистони чемпионига айланган эди, якунланган мавсумда эса бешликдан жой олди. Марсело Галлярдо ўтган йили Нуну Эшпириту Сантунинг ўрнини эгаллаган эди.