«Бавария» ва ЦСКА клублари собиқ ҳужумчиси Ивица Олич Хорватия ёшлар жамоасини бошқаради. 

Хорватия футбол иттифоқи собиқ ҳужумчи мамлакатнинг U-21 жамоасига бош мураббий этиб тайинланганини эълон қилди. 

Бунгача Олич Хорватиянинг асосий жамоасида — Златко Далич мураббийлар штабида ишлаган. Шунингдек, у ЦСКАни бошқарган.

Хорватия ёшлар жамоаси янги мураббий бошчилигидаги илк ўйинларини сентябр ойида – 2025 йилги Европа чемпионати саралаши доирасида Фарер ороллари ҳамда Португалияга қарши ўтказади.