Бугун, 16 май куни Ўзбекистон Республикаси Спорт вазири Адҳам Икромов Самарқанд шаҳрига ташриф буюрди.

Мамлакат Спорт вазири «Динамо» стадионига келиб, ўйингоҳдаги майдон чимининг янгиланаётгани, таъмирлаш ишлари билан танишди.

Адҳам Икромов хизмат сафари давомида шаҳардаги стадионларнинг ҳолати, Самарқанд олимпия ва паралимпия спорт турларига тайёрлаш марказида бўлиб, яратилган шарт-шароит ҳамда амалга оширилган ишлар билан ҳам танишган.