Аргентиналик вингер Анхел Ди Мария мавсум охирида «Бенфика»ни тарк этади. Бу ҳақда Deadline хабар берди.

Манбага кўра, лиссабонликлар 37 ёшли футболчи билан шартномани узайтирмасликаа қарор қилган. Футболчининг шартномаси ёзда якунланади.

Бу мавсум Ди Мария жамоаси сафида Португалия чемпионатида 23 ўйинда майдонга тушиб, 8 та гол урди ва 5 ассистни қайд этган. У «Реал», «МЮ», «ПСЖ» ва «Ювентус»даги ўйинлари билан танилган. Аргентина миллий жамоасида 145 ўйинда 31 та гол урган.