«Лидс» ва «Бёрнли» АПЛ йўлланмасини қўлга киритди.

Чемпионшипнинг 44-турида «Лидс» «Сток Сити»ни 6:0 ҳисобида мағлуб этди, «Бёрнли» эса «Шеффилд Юнайтед»ни 2:1 ҳисобида енгди.

Айни дамда икки жамоа ҳам 94 тадан очко тўплаган ва 3-ўринда бораётган «Шеффилд Юнайтед»дан икки тур қолганда 8 очкога олдинда. Шу тариқа, улар тўғридан-тўғри АПЛга йўлланма олди.

Маълумот ўрнида, «Лидс» 2023 йили юқори дивизиондан Чемпионшипга тушиб кетган эди, «Бёрнли» эса 2024 йилда қуйи лигага равона бўлган.