«Рома» ҳужумчиси Элдор Шомуродов А Серия 32-туридан ўрин олган «Верона»га (1:0) қарши ўйиндан сўнг ўз фикрлари билан ўртоқлашди. 

«Чемпионлар Лигасига чиқишни истаймиз ва бунинг учун қўлимиздан келган барча нарсани қиламиз. Йўлланма қўлга киритиш учун бундай ўйинларда ғалаба қозонишимиз керак. 

Мураббий қийин бўлишини айтганди. Мухлисларнинг қўллаб-қувватлаши туфайли ғалаба қозондик. 

Раниери мендан нима истаётганини биламан, жамоага ёрдам бермоқчиман. Бизда яхши коллектив йиғилган», — дейди ўзбекистонлик форвард DAZNʼга берган интервюсида.

Эслатиб ўтамиз, Шомуродов ўйиндаги ягона голга муаллифлик қилди ва баҳснинг энг яхши футболчиси деб топилди.

Маълумот учун, Рим клуби 57 очко билан 6-ўринни эгаллаб турибди ва ЕЧЛ поғонаси — 4-ўриндаги «Ювентус»дан 2 очкога ортда қолмоқда