«Атлетик» клубининг юлдуз футболчиси Нико Уилямс «Реал»га қарши ўйинни ўтказиб юборади. Бу ҳақда клуб расмий баёнот берди.

Испаниялик вингерда жароҳат борлиги айтилмоқда ва шу сабабдан у жамоа билан Мадридга йўл олмайди.

«Нико Уилямс ушбу муҳим ўйин учун Мадридга бормайди. У кичик жароҳат сабабли сафдан чиқди. Унинг ҳолати кузатув остида бўлади», — дейилади клуб баёнотида.

Шунингдек, мадридликлар ҳам Килиан Мбаппесиз ҳаракат қилади — у «Арсенал»га қарши ўйинда жароҳат олган ва шу билан бирга дисквалификация муддатини ўтамоқда.