«Фенербаҳче» бош мураббийи Жозе Моуринио Бразилия миллий жамоасини бошқариш таклифини рад этди. 

Унга мамлакат конфедерацияси таклиф билан чиққан. Бироқ португалиялик мутахассис бу таклифга рад жавобини берган. У ҳозирда миллий жамоалар билан ишлаш ниятида эмас. 

Маълумот ўрнида, Моуринио 2024 йил ёзида «Фенербаҳче» бош мураббийи этиб тайинланган эди. Ундан аввал эса 2021-2024 йиллар оралиғида «Рома»да фаолият олиб борган. Унинг қўл остида римликлар Конференциялар лигасини ютган ва Европа лигасида финалгача етиб борган.

Аввалроқ Жозе 42,5 минг еврога жаримага тортилиб, 4 ўйинга дисквалификация қилингани маълум қилинганди.