«Реал» дарвозабони Тибо Куртуа ЕЧЛ 1/4 финалида «Арсенал»дан (1:2, биринчи ўйин — 0:3) учралган мағлубиятдан сўнг жамоасини танқид қилди. 

«Арсенал» — ҳимояланишда ва прессингда яхши бўлган жамоа. Уларнинг заиф томонларини топиш қийин. Эҳтимол, шу сабабдан узоқдан зарба ва узатмаларни синаб кўрдик. Аммо бу йил бизда туғма ҳужумчи — Хоселу йўқ.

Мавсумда яна кўплаб ўйинлар бўлади. Ла Лига, Испания кубоги, клублар ўртасидаги жаҳон чемпионати .... Ҳаммасини охирига етказишимиз керак. Мухлисларга миннатдорчилик билдириш керак. Атмосфера ажойиб эди. Мен бу мавсумда уларни хурсанд қилишимиз мумкин, деган умиддаман.

Баъзида ўзингизга виждонан баҳо бериб, ҳамма нарсани синчковлик билан таҳлил қилишингиз керак. Кўпроқ жамоа сифатида ўйнашимиз керак, индивидуал эмас. Агар Виниcиус ёки Килиан Мбаппени икки нафардан футболчи қўриқлаётган бўлса, дриблинг ҳар доим ҳам ишламаслиги мумкин. Вазиятни танқидий баҳолаш керак. Ва олдинга қараш зарур. 

Анчелоттининг ғоялари? Бизда ҳеч қандай муаммо йўқ. Мураббийга шубҳа йўқ. Унинг кўрсатмалари етиб боради ва биздан уларни майдонда амалга ошириш талаб этилади», — дея белгиялик посбоннинг сўзларини келтиради AS.