«Арсенал» бош мураббийи Микел Артета «Реал»га қарши ЕЧЛ чоракфинали жавоб баҳсидан олдин «Манчестер Сити» устози Хосеп Гвардиола билан қўнғироқлашганини айтди. 

Лондон клуби мадридликларни жавоб беллашувида ҳам мағлубияга учратиб (2:1, 3:0), яримфиналга йўл олди.

«Мен унга эрталаб (ўйин куни) қўнғироқ қилдим. Чунки у — менинг шу ерда туришимга сабабчилардан бири. 

У менга жуда катта мотивация берди. Пеп билан ажойиб 4 мавсумни ўтказганман ва доимо ундан миннатдорман. Усиз бундай натижаларга эриша олмасдим», — дейди «тўпчилар» устози Sky Sports эфирида. 

Эслатиб ўтамиз, Артета 2016 йилдан 2019 йилгача «Манчестер Сити»да Гвардиоланинг ассистенти бўлган.