Виржил ван Дейк «Ливерпул»да ўйнашда давом этади. 

33 ёшли ҳимоячи яна икки йил мерсисайдликлар сафида ҳаракат қилади. 

«Хурсандман. Шартномани узайтириш факти ҳақида гапирганимда, кўп ўйлар ва ҳис-туйғуларни ўтказдим. Мен «Ливерпул» билан яна икки йилга шартномани узайтирганимдан мамнунман ва фахрланаман», — дейди нидерландиялик футболчи.

Бу мавсум ван Дейк «Ливерпул» билан барча турнирларда 44 ўйинда майдонга тушиб, 4 та гол урди ва 1 ассист қайд этди. Transfermarkt порталига кўра, футболчининг нархи 28 миллион еврони ташкил этади.

Аввалроқ мерсисайдликлар Муҳаммад Салоҳ билан ҳам янги шартнома имзолаганди.