«Реал» «Ливерпул»нинг 26 ёшли яримҳимоячиси Алексис Мак Аллистерга қизиқиш билдирмоқда. Бу ҳақда Marca хабар берди.

Хабарга кўра, «қироллик клуби» мутасаддилари аргентиналик футболчи жамоа услубига мос келади, деб ҳисобламоқда. Ҳозирча «Реал» Мак Аллистерни харид қилиш қанчалик тўғри эканлигини ўрганмоқда. Аввалроқ футболчининг ўзи ҳам бир кун Ла Лигада тўп суриши айтиб ўтган.

Бу мавсумда Мак Аллистер барча мусобақалар доирасида 44 ўйинда майдонга тушиб, 6 та гол ва 4 та голли узатма амалга оширган. Унинг «Ливерпул» билан амалдаги шартномаси 2028 йил ёзигача мўлжаллатган. Transfermarktда футболчининг трансфер нархи 90 миллион еврони ташкил қиляпти.

Эслатиб ўтамиз, «Ливерпул»нинг бошқа футболчиси Трент Александр-Арнолд «Реал»га текинга ўтаётгани ҳақида хабар берилганди.