«Рома» ҳужумчиси Элдор Шомуродов А Серия 31-туридан ўрин олган «Ювентус» (1:1) билан ўйиндан сўнг ўз фикрларини билдирди. 

«Майдонга тушишимдан олдин Раниери менга Довбикка ёрдам беришим кераклигини айтди. Иккинчи бўлим яхши бошланди, ғалаба қозона олмаганимиздан эса афсусдаман 

Яна бир гол уришимиз мумкин эди, аммо «Ювентус»га қарши ўйинда 1 очко ҳам ёмон эмас.

Хурсандман. Агар дубл қайд этганимда, янада яхши бўларди!

Кейинги турдаги дерби? Биз яхши тайёргарлик кўришимиз ва мухлисларни хурсанд қилишга уринишимиз керак», — дея ўзбекистонлик ҳужумчининг сўзларини келтиради Roma Press.

Эслатиб ўтамиз, Шомуродов «Ювентус»  гол уриб, беллашувнинг энг яхши ўйинчиси деб топилди.