«Манчестер Сити» бош мураббийи Хосеп Гвардиола Кевин Де Брюйненинг жамоани тарк этиши борасидаги қарор футболчининг эмас, айнан клубнинг ташаббуси билан қабул қилинганини маълум қилди.

«Қарорни клуб қабул қилди. Клуб — бу клуб. Бу мен, Чики Бегиристайн(клуб спорт директори) ва клуб томонидан қабул қилинган қарор. Биз олға ҳаракат қилишимиз керак. Кевин каби кўрсаткичларни такрорлаш қийин бўлади, лекин биз бошқа сифатларни топишимиз лозим.

Қайси йўлни тутишни мавсум охирида кўрамиз. У — шартномаси якунланаётган ягона футболчи. Қолганлар билан шартномалар мавжуд. Ҳали қандай йўл тутишни ҳал қилмадик.

Клуб Кевинга ҳамма нарсани берди, Кевин эса бизга ҳамма нарсасини берди. У билан ўтказган йилларимизни эслаш ҳар доим ёқимли бўлади. Яхши онларни унутишнинг иложи йўқ, ҳаттоки ёмон дақиқаларни ҳам», – деди Гвардиола City Xtra нашрига берган интервюсида.

Кевин Де Брюйне 2015-йилда «Волфсбург»дан 76 миллион евро евазига «Сити» сафига қўшилганди. У шу вақт мобайнида жамоа билан 18 та совринни қўлга киритди.