«Манчестер Сити» яримҳимоячиси Кевин де Брюйне Саудия Арабистонига кўчиб ўтиши мумкин.

Foot Mercato хабарига кўра, Саудиянинг иккинчи дивизиони етакчиси «Неом СК» белгиялик футболчи билан жиддий музокаралар олиб бормоқда.

33 ёшли футболчи ушбу трансферга қарши эмас. Де Брюйненинг «Манчестер Сити» билан шартномаси ёзда тугайди ва у эркин агентга айланади.

Айни пайтда «Неом СК» 57 очко тўплаган ҳолда Саудия иккинчи дивизионида пешқадамлик қилмоқда ва ушбу мавсум якунлангач, Про-лигага кўтарилиши мумкин.

Де Брюйне бу мавсумда 31 ўйинда 4 гол, 7 ассист қайд этган.