УЕФА президенти Александер Чеферин Россия клублари ва миллий жамоаларининг ташкилот мусобақаларида иштирок этишини Украинадаги можаро тугаши билан боғлиқ эканини яна бир бор таъкидлади.

«Россия жамоаларини мусобақаларга қайтариш ҳақида кўп бор гапирганман ва яна такрорлайман: можаро тугаши билан улар қайтарилади», – деди Чеферин УЕФАнинг Белграддаги конгрессида.

Россия миллий жамоаси ва клублари 2022 йил феврал ойидан буён УЕФА мусобақаларидан четлатилган эди. Шундан бери Валерий Карпин шогирдлари фақат ўртоқлик ўйинлари ўтказиб келишмоқда. Жумладан, шу йилнинг март ойида Россия Гренада ва Замбия миллий жамоаларига қарши майдонга тушиб, умумий 10:0 ҳисобида ғалаба қозонди.

Аввалроқ ОАВда УЕФА Россия жамоаларини Европа мусобақаларига қайтариш бўйича музокаралар олиб бораётгани ҳақида хабарлар пайдо бўлган эди. Бироқ Чеферин бу масалада ўз позициясини ўзгартирмаган.