Эркин агент бўлиб турган Пол Погба майдонга қайтишга тайёрланмоқда.

Fiachesʼнинг ёзишича, франциялик 32 ёшли яримҳимоячи «Интер Майами»га ўтишга қарор қилди. Америка клуби билан музокаралар ҳал қилувчи босқичда. Келишув яқин вақт ичида амалга оширилиши мумкин. 

Таъкидланишича, Погбанинг қарорига Лионел Месси билан бирга ўйнаш истаги таъсир кўрсатган. Аргентиналик ҳужумчи ҳам Полни жамоада кўришни истамоқда. 

Маълумот ўрнида, Погба допинг қабул қилишда айбланиб, 4 йилга дисквалификация қилинган эди. Кейинроқ муддат CAS томонидан 1,5 йилга қисқартирилди ва футболчи 10 март кунидан бошлаб майдонга қайтиш ҳуқуқига эга бўлди.

Футболчи ўтган йилнинг октябр ойида «Ювентус» билан шартномасини бекор қилганди. Аввалроқ у «Манчестер Юнайтед»да ҳам ўйнаган.