«Манчестер Юнайтед» клуби Хави Симонс, Кенан Йилдиз, Юго Экитике ёки Бенямин Шешкони сотиб олиши мумкин.

Sky Sport журналисти Флориан Плеттенбергнинг хабар беришича, инглиз клуби ёзги трансфер ойнаси ҳужум чизиғини кучайтирмоқчи.

Клуб Симонсни сотиб олинишига асосий трансфер сифатида қараётган бўлса-да,  «Лейпциг»нинг футболчи учун 80 миллион евро талаб қилаётгани келишувга тўсиқ бўлиши мумкин.

«Ювентус»дан Йилдиз ва «Айнтрахт»дан Экитике ҳам «МЮ» нишонида турибди.

Шунингдек, «Манчестер Юнайтед» Симонснинг жамоадоши Бенямин Шешкони сотиб олиш имкониятини ҳам кўриб чиқмоқда.

Қайд этиш жоизки, санаб ўтилган барча футболчилар 23 ёшдан кичик. Йилдиз – 19 ёшда, Симонс ва Шешко – 21 ёшда, Экитике – 22 ёшда.

Аввалроқ, «Юнайтед» Каземиро, Эриксен, Рэшфорд, Антони сингари футболчилар билан хайрлашишни режалаштиргани ҳақида хабар қилинганди.