Винисиус янги шартнома бўйича «Реал»да энг кўп маош олишни истайди.

Cadena SER маълумотларига кўра, бразилиялик вингер йилига 25 миллион евро маош олмоқчи.

24 ёшли футболчининг агенти клуб вакиллари билан бир нечта учрашувлар ўтказди. Дастлаб бразилияликнинг истаги рад этилди. Иккинчи ҳолда, футболчидан ўз молиявий талабларини тушунтириш сўралди. Кейинги босқич давомида янги шартнома имзолаш учун турли хил вариантлар баҳоланади.

Таъкидланишича, бугунги кунда Килиан Мбаппе, Жуд Беллингҳэм ва Винисиус йилига 15 млн евро олишади. Агар Винисиуснинг 25 миллион евролик истаги қабул қилинса, ўз навбатида англиялик ва франциялик футболчилар ҳам келишув шартларини яхшилашни талаб қилишлари мумкин. 

Манбага кўра, «Реал» Винисиус истаган маошни бермайди. Шунингдек, Мадрид клуби Бразилия миллий жамоаси вингери билан шартнома имзоламоқчи бўлган саудияликлар билан рақобатлашмайди.