«Навбаҳор» клуби Суперлига янги мавсумига БААда тайёргарлик кўрмоқда.

Наманган жамоаси бугун Дубайдаги йиғин доирасида учинчи ўртоқлик учрашувини Арманистоннинг «Урарту» клубига қарши ўтказди. Сергей Лушан шогирдлари ушбу баҳсда ҳам мағлуб бўлишди – 1:2. Вакилларимизнинг ягона голига Аббосжон Ғуломов муаллифлик қилган. 70-дақиқада эса дарвозабон Шукрон Йўлдошев пеналтини қайтариб қолган.

«Лочинлар» кейинги назорат учрашувини 6 февраль куни Хитойнинг «Ченгду» жамоасига қарши ўтказишади.

Ўртоқлик ўйини. 4 феврал.

Навбаҳор – Урарту (Арманистон) 1:2.

 Эслатиб ўтамиз, аввалги икки ўйинда «Навбаҳор» «Вуковар-1991»га 0:4 ҳисобида, «Родина» жамоасига эса 0:5 ҳисобида мағлуб бўлганди.